Bólusetningar og heilsa þegar ferðast er
Eftirfarandi upplýsingar fengust frá Ferðavernd og hvetjum við alla sem hyggja á að fara erlendis, á aðra staði en til vesturlanda, að hafa samband við sinn heimilislækni eða Ferðavernd. Hægt er að fá nánari upplýsingar á vefsíðu Ferðaverndar.
Hverju skal huga að áður en lagt er af stað?
- Fyrri bólusetningar
- Hvert ferðinni er heitið
- Hvert erindið er og hversu þú áætlar að vera þar
- Hvaða landlægu sjúkdómar eru á landsvæðinu sem þú ætlar að dvelja eða ferðast til á meðan dvöl þinni stendur
- Mikilvægt er að panta tímanlega í bólusetningu vegna ferða til Suður-Asíu og Afríku.
- Ráðlagt er að bólusetja vegna ferða til Asíu, Mexíkó, Mið- og Suður-Ameríku.
- Þegar dvalið er á ákveðnum svæðum í Mið-Evrópu er æskilegt að fólk sé búið að láta bólusetja sig.
- Ráðleggingar og ávísun á viðeigandi lyf vegna matarsýkinga, flugnabita og háfjallaveiki geta skipt sköpum.
Hvernig forðast maður veikindi?
Fáðu nauðsynlegar bólusetningar eða viðeigandi lyf
Sjúkdómar sem þú gætir þurft bólusetningar við eru lömunarveiki, stífkrampi, barnaveiki, lifrarbólga A, lifrarbólga B, taugaveiki, mýgulusótt, japönsk heilabólga, heilahimnubólga, hundaæði, kólera, malaria o.fl.
Hreint drykkjarvatn
Innsiglaðar flöskur eða soðið í 3-5 mínútur.
Matur
Ekki borða eftirfarandi mat: hráan mat (þetta á líka við um grænmeti), kaldan mat, kaldar sósur, klaka í drykki, ís úr vél eða af götunni. Nýsoðinn matur er öruggastur. Skrældu sjálf/ur ávexti. Ekki borða ávexti með hýðinu.
Verðu þig gegn skortdýrabitum
Hyldu húðina með klæðum í ljósakiptunum og eftir myrkur. Nota úða eða smyrsl á óvarða húð ss. hendur og andlit. Ef úði þá best að úða í lófa og nudda svo á andlit til að forðast að fari í augu. Úði eða krem með DEET 30-50% veitir bestu vörnina. Taktu malaríutöflur þegar við á.
Varastu sólina
Húðin er viðkvæmari fyrir sólinni því ljósari sem hún er. Vertu aðeins í stuttan tíma í einu, allavega fyrst um sinn og notaðu ávallt sólarvörn.
Vökvatap
Í miklum hita er hætta á að þú tapir bæði vökva og salti út með svita. Drekktu vel og auktu saltneyslu til að koma í veg fyrir vökvatap.
